ઊતરાયણ

આકાશ ને ધાબાઓ હવે વિશાળ થઈ ગયા છે,

ઊતરાયણ તો છે પણ પતંગ ખાલી થઈ ગયા છે.

ફિરકી, કિન્ના ને ગુંદરટેપ તો ઠેર ઠેર થઈ ગયા છે,

પણ હવે સાથે ધાબે ચઢે એ મિત્રો ખાલી થઈ ગયા છે.

ખાલી આભમાં યુદ્ધ થાય એવા પ્રસંગ રોજ થઈ ગયા છે.

પતંગની સાથે હવે સંબંધોમાં પણ ગળાકાપ થઈ ગયા છે.

ચીકકી, તળસાંકળી ને ઊંધીયું તો જુના થઈ ગયા છે,

ઓનલાઈન ઓડઁરના વેઈટીંગ ઠેર ઠેર થઈ ગયા છે.

કાયપો છે ને લપેટ લપેટના બુમ-બરાડા ઓછા થઈ ગયા છે,

ધાબે તો ફક્ત મોબાઈલમાં ફોટા ને વીડીયો બનાવવાના ક્રમ થઈ ગયા છે.

પહેલા જેવી મજા નથી આવતી એ શબ્દો તથ્ય થઈ ગયા છે.

સાચે જ તહેવાર ને વહેવાર બધેથી નામશેષ થઈ ગયા છે.